Një operacion i Guardia di Finanza në Breshia është finalizuar me arrestimin e 2 shqiptarëve dhe sekuestrimin e 22 kilogramë kokaine, 60 mijë eurove dhe 2 automjeteve.
Nëse droga do të arrinte të shitej, prej saj do të përfitoheshin rreth 2 milionë euro.
Hetimet kanë nisur pasi një agjent i policisë italiane ka ndaluar shqiptarin B.F. 26 vjeç, që drejtonte automjetin tip “Fiat 500”.
Në çantën e emigrantit shqiptar u gjetën 6 kilogramë kokainë, raportojnë mediat italiane.
Pas arrestimit të tij policia ka ushtruar kontroll në banesë ku kanë gjetur edhe çelësat e një makine tjetër që do të përdorej për të transportuar drogën në Europën Veriore.
Në një shtëpi pranë të tijës, agjentët kanë arrestuar edhe 25-vjeçarin shqiptar, A.A i cili mbante të fshehura 16 kilogramë kokainë dhe 47.500 euro. Shuma prej 14.500 euro është gjetur në banesën e B.F në Cazzago San Martino.
