Bilbili i këngës popullore qytetare Naile Hoxha u shua këtë të hënë në moshën 82-vjeçare në azilin e qytetit të Shkodrës, ku kaloi edhe ditët e fundit të jetës.
Një nga artistet më në zë të Ansamblit, Naile Hoxha la pas një karrierë të pasur artistike dhe një vend bosh në muzikën popullore qytetare të cilës i dhuroi jo pak.
Me një zë melodioz dhe të ëmbël, ajo ishte një nga këngëtaret më të suksesshme dhe më të dashura për publikun.
Me një karrierë mbi 60-vjeçare në skenë dhe një repertor të pasur, kryesisht me këngë popullore Naile Hoxha e nisi rrugën e muzikës në qytetin e saj të lindjes, kur ajo ishte vetëm 13 vjeç, ndërsa shumë shpejt do të bëhej e dashur për publikun përmes zërit melodioz dhe këngëve të shumta si “Xhamadanin kuq si gjaku”, “Moj e mir synin larush”, ‘Djal i dashtun” e shumë të tjera.
Naile Hoxha ka qenë pjesë e Ansamblit të Këngëve dhe Valleve, si dhe mban titullin “Artiste e Merituar”.
