Rudd Gullit nuk gjen marrëveshjen me Kombëtaren Holandeze. Pas bisedimeve të zhvilluara, përfaqësues të Federatës së Futbollit në Amsterdam, njoftuan se palët nuk arritën dot të gjenin gjuhën e përbashkët.
Gullit do të mbantë rolin e zëvendësit trajnerit në kombëtaren e tulipanëve. Sipas asaj që ka deklaruar federata, shkak për mos arritjen e marrëveshjes ka qënë pretendimet e larta të ish-futbollistit të Milanit. Drejtori teknik i “tulipanëve”, Hans Van Breukelen u shpreh se Gullit kishte kërkuar që ti lejohej largimi në çdo moment nga Kombëtarja, në rast se në adresë të tij vinte një ofertë më e mirë.
Deklaratës së Van Breukelen, i është përgjigjur menjëherë 53-vjecari, duke e mohuar këtë argument.
Rudd Gullit u shpreh se i vetmi pretendim i tij ka qënë se dëshironte një kontratë ndryshe nga ajo që kish patur Advocat dhe se nuk kishte pretenduar kurrë t’i zinte vendin trajnerit aktual Danny Blind.
Ky i fundit i kishte kërkuar personalisht Gullit të bënte pjesë në stafin e tij, e tashmë nuk i mbetet gjë tjetër veçse të kërkojë një tjetër asistent.
