Një autobusi në kryeqytet i është vendosur lëndë plasëse duke sjellë edhe një shpërthim të fuqishëm, por fatmirësisht ka shkaktuar vetëm dëme materiale.
Lajmi është konfirmuar nga policia e Tiranës e cila bën të ditur se automjeti tip “Setra” është në pronësi të E.R. e cila ka qenë e parkuar në rrugën “Kongresi i Manastirit”.
Deri tani, policia nuk ka mundur që të identifikojë personin që ka vënë lëndën plasëse, por ka nisur hetimet për të zbardhur motivet e ngjarjes.
Njoftimi i policisë Tiranë
Paraprake: Më datë 25.08.2016, rreth orës 04:05, në rrugën “Kongresi i Manastirit”, në mjetin autobuz tip “Setra”, në pronësi të shtetasit E. R., persona të pa identifikuar kanë vendosur një sasi me lëndë plasëse e cila ka shpërthyer duke shkaktuar dëme të vogla materiale. Punohet për identifikimin dhe kapjen e autorëve dhe sqarimin e rrethanave të ngjarjes.
