Policia e kryeqytetit ka mundur që të identifikojë personin e plagosur një ditë më parë në një lokal në kryeqytet, ku u shënuan të shtëna me armë zjarri në ambientet e një lokali.
Sipas të dhënave të policisë, bëhet e ditur se bëhet fjalë për Nelgert Pata 34-vjeç i cili është qëlluar me armë duke marrë plagë në pjesën e veshit.
Përplasja me armë zjarri ndodhi pasditën e së dielës në rrugën e Kavajës në Tiranë, ku mbeti i plagosur Nelgert Pata, i cili është jashtë rrezikut për jetën.
Policia ka shoqëruar dy persona për ngjarjen, njëri prej të cilëve është nga Kosova. Flamur Hoti dhe Anton Azizi, 26 dhe 31 vjeç, dyshohet se kanë lidhje me ngjarjen.
4 personat u konfliktuan me njëri-tjetrin në ambientet e një lokali dhe situata më pas ka precipituar deri në përdorimin e armëve.
