Forcat policore në Bari kanë vënë në pranga një shtetas shqiptar i cili u kap me drogë në brigjet e San Cataldo në Lece.
Mediat italiane shkruajnë se 200 kg marijuanë janë sekuestruar ndërsa u arrestua korrieri shqiptar i drogës. Operacioni policor u krye mbrëmë kur policia u vu në ndjekje të dy motorave të ujit në det, në bordin e të cilave ishte ngarkuar droga, shkruan “Ansa“. Lënda narkotike transportohej nga Shqipëria drejt Italisë. Mësohet se njëri prej skafistëve ka mundur t’i shpëtojë Policisë.
