“Më tërhoqi nga krahu me dhunë dhe më kërkonte të hipja në automjetin e tij. Atë person se njihja dhe ishte hera e parë që e pashë, teksa po kaloja rrugën transballkanike pranë karburantit”.
Është kjo dëshmia e gruas e cila të enjten më 17 Gusht rreth orës 12:20 minuta u dhunua nga 29-vjeçari Dijar Xhema, i arrestuar tashmë nga policia.
Sipas deklarimeve të të resë nga Vlora ishte ndërhyrja e disa personave që ndodheshin të ulur pranë kafesë me karburantit që bënë të mundur lirimin e saj.
“Unë nuk pranova të shkoj me të dhe për disa minuta tentova të largohem, por ai ishte i dhunshëm dhe me forcë më rrëzoi në tokë duke më tërhequr zvarrë”,
është shprehur ajo për hetuesit.
Tashmë Xhema është izoluar në spitalin e burgut dhe pritet që ekspertiza mjekoligjore të përcaktojë nëse ai është apo jo person me të meta mendore.
Ndërsa në dy rastet e tjera të tentativës së pengmarrjes Xhema mësohet të ketë përdorur dhe thirrjet “Allahu Akbar”, “Jam i dërguari i Allahut”, “Do tju vras të gjithëve”.
