Policia e Korçës ka vënë në pranga autorin e plagosjes me thikë të fqinjit të tij, ngjarje që u regjistrua gjatë ditës së djeshme në lagjen numër 18 të qytetit.
Skënder Shahinasi, 58 vjeç, banues në Korçë, pas një konflikti të çastit për motive të dobëta me fqinjin e tij E.SH, 58 vjeç, ka tentuar ta vrasë këtë të fundit, duke e goditur disa herë me sende të mprehta (thikë).
Shtetasi E.SH, është transportuar në Spitalin Rajonal të Korçës, ku ndodhet nën kujdesin intensiv të mjekëve.
Gjatë momentit kur autori i kësaj ngjarje, do të shoqërohej nga shërbimet e Rendit për në Komisariatin e Policisë Korçë, në afërsi të banesës të tij ky i fundit u gjet duke mbajtur një sëpatë në dorë.
Në cilësinë e provës materiale, Skënder Shahinasit, iu gjet dhe bllokua një thikë (me teh të këputur) si edhe një sopatë.
Materialet i kaluan Prokurorisë të Rrethit Gjyqësor Korçë, për veprën penale: “Vrasja me dashje, e ngelur në tentativë”.
