Kryetari i Kuvendit nuk do të ushtrojë kompetencën e tij kushtetuese për hedhjen e shortit për anëtarët e KED, por këtë detyrim do ta plotësojë vetë Presidentit i Republikës.21 gushti ishte afati i fundit që i linte në dispozicion Kushtetuta Kryeparlamentarit për hedhjen e shortit, por burime të Ora News konfirmuan se këtë proçes do ta zhvillojë vetë Kreu i Shtetit sapo të miratohet ligji për vlerësimin e gjytarëve dhe prokurorëve që përcakton edhe kriteret përkatëse për kandidatët që duan të jenë anëtarë të KED.
Sipas ndryshimeve kushtetuese të miratuara me votë unanime në Kuvend, 21 gushti shënon afatin e fundit që i lihej në dispozicion kryetarit të Kuvendit për hedhjen e shortit të Këshillit të Emërimeve në Drejtësi.
Kjo pasi neni 149 i Kushtetutës përcakonte se kryetari i Kuvendit ka 10 ditë kohë nga hyrja në fuqi e ndryshimeve kushtetuese për të kryer këtë proçes, në rast se Presidenti i Republikës nuk e ka ushtruar këtë kompetencë. Pika 11 e ketij neni përcaktonte se:
“Presidenti i Republikes, brenda pese diteve nga hyrja ne fuqi e ketij ligji, zgjedh me short anetaret e Keshillit te Emerimeve ne Drejtesi , sipas nenit 149/d, pika 3 te Kushtetutes. Nese Presidenti i Republikes nuk i perzgjedh anetaret brenda pese diteve nga hyrja ne fuqi e ketij ligji , Kryetari i Kuvendit i zgjedh ata me short brenda dhjete diteve nga hyrja ne fuqi e ketij ligji. Te zgjedhurit qendrojne ne detyre deri ne daten 31 dhjetor te vitit kur hyn ne fuqi ky ligj”.
Ndryshimet kushtetuese hynë në fuqi në 11 gusht dhe kjo e dielë përmbyll afatin ligjor për këtë proçes nga Kryetari i Kuvendit.
Por burime të Ora News konfirmuan se këtë detyrim kushtetues nuk do ta ushtrojë Kuvendi, por Presidenti i Republikës.
Të njëjat burime thanë se shorti për anëtarët në KED do të hidhet nga Kreu i Shtetit sapo të miratohet ligji për vlerësimin e gjyqtarëve dhe prokurorëve që përcakton edhe kriteret përkatëse për kandidatët që duan të jenë anëtarë të KED.
Një vendimarrje të tillë e paralajmëroi edhe vetë kreu i Kuvendit.
Kuvendi i Shqipërisë pritet që të mblidhet javën e ardhshme për miratimin e këtij ligji, mungesa e të cilit deri më tani ka bërë të pamundur ngritjen e institucionit të parë të drejtësisë, pas miratimit të reformës./Oranews/
