Dy vëllezër në Lezhë, në bashkëpunim me njëri-tjetrin, ofendojnë dhe godasin punonjësin e policisë të qarkullimit rrugor.
Ngjarja e cila ka ndodhur gjatë ditës së sotme, ndërsa policia ka arrestuar 27-vjeçarin Blerti Kola, banues në Lezhë, si dhe po punohet për kapjen dhe të vëllait të tij Daniel Kola, 30 vjeç, banues po në Lezhë.
Nga veprimet hetimore, 2 vëllezërit duke udhëtuar me mjetin tip “Rover” në rrugën Shëngjin-Lezhë, në bashkëpunim me njeri-tjetrin, për shkak të detyrës, nuk i janë bindur urdhërit si dhe kanë ofenduar dhe goditur punonjësin e policisë të qarkullimit rrugor, inspektorin A.B., i cili pasi ka marrë ndihmen e nevojshme në spitalin e Lezhës është larguar për në banesë jashtë rrezikut për jetën.
Policia e Shtetit bën me dije, se goditja e punonjësit të policisë është vepër penale dhe çdo punonjës policie , në bazë të nenit 133 të ligjit 108/2014 “Për policinë e shtetit” ka tagrin të reagojë, duke përdorur forcën, ndaj çdo personi që e godet atë për shkak të detyrës.
