Tirana bindet nga futbollistët afrikanë të mbërritur ditët e fundit në kryeqytet. Klubi bardheblu ka nënshkruar kontrata 2-vjecare me sulmuesin nga Gaboni Romuald Ntsitsigui dhe nigerianin Ifeanyi Edeh. Të dy lojtarët në fjalë i kanë kaluar me sukses vizitat mjekësore dhe do të jenë pjesë e listës së të federuarve për sezonin e ardhshëm. Ntsitsigui luan si sulmues krahu, është 25-vjec dhe është ambientuar shumë shpejt me skuadrën. Pak ditë i mjaftuan edhe qendërsulmit Edeh për ta bindur presidentin Halili për t’i ofruar një kontratë po 2-vjecare.
Megjithatë merkatoja bardheblu nuk mund të thuhet së është mbyllur. Skuadra ende ka nevojë për përforcime, si në sulm ashtu edhe në qendër të mbrojtjes. Në këtë pozicion, ku sezonin e kaluar ka luajtur Karan te Tirana shpeshherë janë përshtatur lojtarë mesfushorë, por nuk mund të jetë kjo zgjidhja përfundimare për një skuadër që kërkon të jetë pretendente. Këtë të shtunë në orën 17:30, në Selman Stërmasi është parashikuar një ndeshje miqësore me Apoloninë, e cila do t’i shërbejë trajnerit Daja për të parë gjendjen e futbollistëve, kryesisht të atyre afrikanë që kanë mbërritur gjatë ditëve të fundit.
Përsa i përket Gërcalliut, duket se mbrojtësi dhe drejtuesit po gjejnë gjuhën e përbashkët për ndërprerjen me marrëveshje të bahskëpunimit, gjithsesi për momentin 30-vjecari ka ende kontratë me bardheblutë.
