Arjen Robben bën me zemër tifozët e Bayernit! Mesfushori holandez aktualisht është i dëmtuar dhe po rikuperohet për të luajtur sa më shpejt në Bundesligë, por njëkohësisht po shfrytëzon kohën e lirë për të kaluar çaste të gëzueshme me djalin e tij, Luka. Dakord, deri këtu nuk ka asgjë të çuditshme, por … prisni! Dje, 32-vjeçari është “kapur mat” me familjen e tij në Trimini-Bad dhe pikërisht te skuadra rivale e Bayernit, Mynih 1860.
Natyrisht, ai nuk ka ndërmend të transferohet te “Luanët” (ky do të ishte lajmi i dekadës!), por raportohet se ka përfshirë Lukën e vogël në shkollën e futbollit të klubit më të vjetër bavarez. Tifozët e Bayernit mund të jenë acaruar nga ky lajm, por gjithçka e ka një shpjegim. Robben ka frikë se djali i tij mund të vuajë emrin e të atit dhe presioni mund ta dënojë për të ardhmen. Kjo nuk është diçka e paprecedent.
Dy djemtë e legjendës Zinedine Zidane, Luca dhe Enzo, janë përmendur pafund si talente të rralla të futbollit, por ende po vuajnë të shfaqin vlerat e tyre, ashtu si edhe djali i ikonës së futbollit anglez, David Beckham, Brooklyn. Ky i fundit ishte tek Arsenali në vitin 2014, por tani ai nuk ka kontratë me “Topçinjtë” dhe ka përfunduar pa klub. Arjen Robben, duke ndjekur djalin e tij në stërvitje me “Luanët” e Mynihut 1860 Ndryshe pritet të jetë fati i Lukës. 8-vjeçari duket se ka gjetur shokë në Grünwald. Robben shpjegoi për gazetën “Bild” se djali i tij thjesht dëshiron të luajë futboll me shokët e tij.
Lajmi tjetër pozitiv për tifozët e Bayernit është se Luka nuk do të qëndrojë gjatë te rivalët e përbetuar të qytetit, por vetëm një javë për një kamp veror. “S’është ndonjë gjë e madhe. Ai thjesht do të stërvitet për një javë me shokët e tij”, – tha Robben duke qeshur. Sido që të jetë, për Bayernin nuk do të jetë problem ta bindin djaloshin të luajë për rekordmenët.
