Djali i trafikantit të drogës, Joaquin “El Chapo” Guzman është rrëmbyer nga banda rivale në Meksikë. Fillimisht ngjarja ishte mbuluar nga misteri pasi u rrëmbyen 16 persona në një resort turisik në Meksikë, por kur u mësua se mes tyre ishte edhe djali i “El Chapo” gjithcka mori një kuptim se bëhej fjalë për luftë mes bandash.
Mediat kanë bërë publike pamjet e marra nga kamerat e sigurisë ku duket rrëmbimi i Jesus Alfredo Guzman, 29 vjeç. Ai është anëtar i kartelit “Sinaloa” që u rrëmbye nga banda rivale “Brezi i Ri i Xhaliskos”.
“El Chapo” ndodhet në burg ndërsa besohet se aktivitetin e tij kriminal e vazhdon i biri i cili gjithashtu kërkohet nga SHBA. Sipas ekspertëve ky rrëmbim mund të sjellë një valë të përgjakshme të luftës mes karteleve meksikane të drogës.
