Në shtator të vitit 2015 kur nënshkroi një kredi me Bankën Botërore për modernizimin e shërbimeve ndaj qytetarëve, kryeministri Edi Rama tha plot siguri se tashmë radhët do të lehtësoheshin dhe niveli i korrupsionit do të ulej ndjeshëm.
Por ngritja e qendrës One Stop Shop për mbi 300 shërbime, e parashikuar për t’u realizuar për këtë vit, ka dështuar. Progresi i realizimit të saj është zero përqind. Projekti është drejt dështimit të plotë.
Progres-raporti i ecurisë së projekteve vjetore për 2016 i publikuar nga Këshilli i Ministrave e dëshmon këtë.
Janë edhe 3 projekte të tjera që janë drejt dështimit të plotë.
Zero përqind është edhe progresi për ndarjen e FO/BO në kuadër të standardizimit të ofrimit të shërbimeve publike, ngritja dhe përmirësimi i kanaleve të informimit të qytetarëve për shërbimet publike dhe standardizimi i ofrimit të shërbimeve publike në sportele, siç e tregon tabela e mësipërme.
Progres me 57 % deri më 30 qershor 2016 ka patur vetëm në shtimin e shërbimeve elektronike në portalin qeveritar e-albania./Lapsi.al
