Barcelona e ka fituar titullin e saj të parë për sezonin 2016-2017. Katalanasit mundën edhe në ndeshjen e dytë Sevillan dhe bënë të vetën Superkupën e Spanjës. 0-2 në “Sanchez Pizjuan” dhe 3-0 në “Camp Nou”, rezultate që tregojnë se sa distancë ka mes këtyre dy ekipeve.
Me dy gola të shënuar, ishte Arda Turan ai që shkëlqeu për Barcelonën. Ndeshje spektakolare edhe për Messin, i cili drejtoi lojën e skuadrës dhe shënoi një gol me kokë që edhe Bierhoff do ia kishte zili.
Pas ndeshjes, trajneri i Barcelonës, edhe pse e vlerësoi si titull, tha se nuk e kupton se pse luhet Superkupa.
“Na pëlqejnë trofetë, por nuk e kuptoj pse luhet Superkupa kur një skuadër si ne ka fituar kampionatin dhe kupën. E di që është në mes biznesi, por për mua nuk ka kuptim fare. Futbolli nuk mund të jetojë në të shkuarën dhe të vazhdojë me metoda arkaike. Siç ecim përpara ne trajnerët dhe lojtarët, ashtu duhet të bëjnë edhe organet drejtuese. Nëse jo, e kemi keq punën”, u shpreh Luis Enrique.
