Një aksident me vdekje ka ndodhur orët e para të mëngjesit të sotëm në lagjen Nr.8 të Durrësit, teksa një automjet ka përplasur për vdekje një këmbësor.
Viktima është 77-vjeçari me iniciale M.N, i cili po kalonte rrugën.
Automjeti tip “Opel” me targa AA 126 LT drejtohej nga 19-vjeçari Xhoikleo Taçe, i cili përplasi këmbësorin. Ky i fundit u dërgua në Spitalin Ushtarak ku dhe ndërroi jetë.
