Presidenti i Komitetit Olimpik Europian, Patrick Hickey, është arrestuar sot në mesditë në Rio de Zhaneiro, ku dhe po ndiqte Olimpiadën. Ai akuzohet se ka shitur apo trafikuar në tregun e zi biletat e Lojërave Olimpike “Rio 2016”. Mësohet se Hickey, 71 vjeç, ka tentuar të largohet nga hoteli ku ishte akomoduar, në Barra de Tijuca, në momentin që policia ka ardhur për ta arrestuar.
Megjithatë, në momentin që është arresuar, ai ka patur shqetësime në zemër dhe është transportuar me urgjencë në spital, ku është jashtë rrezikur ëpr jetën. Biletat e garave te “Rio 2016” Sipas shtypit vendës priten edhe të tjera arrestime në lidhje me shitjen në tregun e zi të biletave të Olimpiadës, por nuk bëhen me dije emra. Hiceky është president i Komitetit Olimpik Irlandez dhe anëtar i bordit drejtues të IOC (Komiteti Olimpik Ndërkombëtar). Ai ka qenë sportist i xhudos, duke përfaqësuar Irlandën në këtë sport.
Sipas akuzave që janë ngritur, Hickey ka ndryshuar destinacionin e biletave që kishte në dispozicion tek agjencia THG Sports, që më pas i shiste me një çmim më të lartë. Bëhet fjalë për më shumë se 1000 bileta të ceremonisë së hapjes, që më pas janë shitur 8 mijë dollarë njëra.
