Dhuna në familje përsëritet sërisht. Ngjarja e fundit ka ndodhur në qytetin e Burrelit ku një grua në mënyrë të përsëritur dhunohej nga i shoqi, por për hir të fëmijëve e duronte.
Por ditën e djeshme, e dhunuara ju drejtua policisë duke çuar në arrestimin e të shoqit Valmir Barmeta, 28 vjeç, banues në Burrel. A.B., rreth 25 vjeçe tha në polici se bashkëshorti ka ushtruar dhunë fizike dhe psikologjike ndaj saj në mënyrë të përsëritur, në prezencë të dy fëmijëve të tyre të mitur.
Sipas deklarimeve të gruas, ajo dhunohej për debate nga më të dobëtat, duke ja bërë jetesën të pamundur. Pas denoncimit të së dëmtuarës, 28- vjeçari u vu në pranga nën akuzën e dhunës në familje.
