Shkëlzen Gashi shkëlqen përballë yjeve të futbollit Botëror. Sulmuesi i kombëtares shqiptare ishte thjeshtë fantastik në sfidën mes Los Angeles Galaxy dhe Colorado Rapids duke realizuar një gol spektakolar që i la pa fjalë të gjithë të pranishmit në stadium.
Vijon momenti pozitiv për Shkëlzen Gashin në Major League Soccer me ish lojtarin e Baselit që në vetëm pak muaj është shndërruar në futbollistin më të rëndësishëm për skuadrën e Colarado Rapids. Në sfidën mes Los Angelos Galaxy dhe skuadrës nga Denveri që përfundoi në barazim 1-1 duhet të ishte mbrëmja e Steven Gerrard, Ashley Cole, Nigel De Jong dhe Giovanni Dos Santos yjeve të skuadrës kaliforniane por nuk ndodhi kështu sepse në qëndër të vëmendjes përfundoi Shkëlzen Gashi i cili zhvilloi një ndeshje të madhe duke realizuar dhe një gol brilant.
Në minutën e 51-të, 28-vjecari shqiptar finalizoi në mënyrë spektakolare një aksion model të Colorado Rapids. I asistuar nga Hairston, Gashi me një goditje shumë të bukur nga distanca e ndali topin në trekëndësh duke mos i dhënë asnjë shans portierit të Los Angeles Galaxy, Rowe. Ky ishte goli i 4-t për sulmuesin e përfaqësues kuqezi në këtë sezon të Major League Soccer ndërkohë që Gashi numëron dhe 3 asiste. Gjithsesi goli i 28-vjecarit nuk i mjaftoi Colorados për të marrë tre pikët sepse në minutën e 62-të një krosim nga këndi i ish kapitenit legjendar të Liverpoolit Steven Gerrard gjeti kokën e qëndërmbrojtësit Steres që barazoi rezultatin. Pas këtij barazimi Colorado Rapids mban vendin e 2-të në konferencën e Perëndimit me 3 pikë më pak se Dallas që kryeson por skuadra nga Denveri ka dy ndeshje më tepër për të zhvilluar. Kualifikimi në play-off është pothuajse i sigurtë për skuadrën e Shkëlzen Gashit.
