Një vrasje me armë zjarri ka tronditur Tepelenën pasditen e sotme. Ngjarja e rëndë ka nodhur në fshatin Dhemblan, ku 36-vjeçar Gjergji Hasani ka vrarë kushëririn e tij Altin Llani pas një konflikti.
Policia sqaron se në Sallën Operative të Komisariatit të Policisë Tepelenë ka ardhur një telefonatë se në fshatin Dhëmblan, Tepelenë ka ndodhur një vrasje.
Menjëherë në vendngjarje kanë shkuar Shërbimet e Policisë ku kanë kapur dhe arrestuar në flagrancë autorin e dyshuar, shtetasin Gjergji Hasani 36 vjeç, banues në Dhemblan, të Tepelenës. 36-vjeçari dyshohet se pas një konflikti të çastit ka qëlluar me armë zjarri shtetasin Altin Llani, 37 vjeç banues në Fier, të cilin e kishte kushëri.
Sipas policisë autori i dyshuar kohët e fundit kishte shfaqur probleme me depresionin.
