Rritja e çmimeve të prodhimeve bujqësore në pikun e sezonit nga rrjeti i shpërndarjes konsiderohet nga ministria e Bujqësisë një marrëdhënie kontraktore mes femerëve dhe tregtarëve.
Sipas këtij dikasteri, çmimet në treg përcaktohet nga kërkesë- oferta dhe ministria nuk ka asnjë mekanizëm për të ndërhyrë dhe për të mbrojtur konsumatorët nga rritja e cmimeve.
“Çmimi caktohet nga mekanizmi kërkesë-ofertë. Duke qenë se eksportet janë rritur kjo na bën të kuptojmë që oferta në treg është më e ulët. Duke qenë se oferta është më e ulët çmimi ngrihet. Marrëveshja që prodhuesi bën me grumbulluesit që më pas tejkalohet në marrëveshjet që grumbulluesi bën me shitësit me shumicë dhe më pas me shitësit me pakicë dhe në funt te konsumatori ky është një zinxhirr i një natyre private. Në këtë zinxhirr furnizimi ministria nuk ka tagër të ndërhyjë.”- shprehet për Ora News, zv. Ministri i Bujqësisë, Roni Telegrafi.
Zv.ministri i Bujqësisë shpjegon se këtë vit ka pasur rritje të prodhimit bujqësor, cka është reflektuar te shtimi i ndjeshëm i eksporteve, që janë edhe një prioritet i këtij dikasteri.
Sipas të dhënave të ministrisë së bujqësisë, gjatë pjesës së parë të këtij viti, nga rritja e eksporteve bujqësore u gjeneruan në ekonomi 50 milionë dollarë më shumë se e njëjta periudhë e një viti më pare.
