Një mandat arresti për ish futbollistin Hakan Shukur u firmos nga autoritetet turke, me dyshimet se ai ishte pjesë e grushtit të shtetit të organizuar nga Fetullah Gylen.
Turku me origjinë shqiptare nuk jeton prej kohësh në Turqi, por pasi la futbollin ai u mor për disa kohë me politikë. Ish futbollisti nuk e ka mohuar asnjëherë origjinën shqiptare dhe pak kohë më parë pati një debat publik me Rexhep Taip Erdogan, pikërisht për këtë çështje.
Përveçse një titular në kombëtaren turke, Shukur ka luajtur për Gallatasarajin, Torinon, Interin dhe Parmën. Në tentativën për grusht shteti humbën jetën 290 civilë. Më pas, mijëra ushtarakë, policë, pedagogë gje gjykatës janë arrestuar.
