Më shumë se 35 milionë njerëz në të gjithë botën jetojnë me HIV (Virusi i imunodeficencës humane), megjithatë shumë pak dihet për origjinën dhe zhvillimin e kësaj sëmundjeje. Deri tani, lentiviruset më të vjetra – ku bën pjesë edhe HIV- mendohej të kenë datuar 12 milionë vjet me parë.
Ndërsa një studim i ri i kryer tek lemurët sugjeron se lentiviruset mund të jenë shfaqur para 60 milionë vitesh. Gjatë studimit të kryer nga Akademia Çeke e Shkencave janë përdorur të dhënat nga lemuri fluturues malezian.
Hulumtuesit shkencorë analizuan tre kampionë nga të dhënat e lashta gjenetike, të cilat zbuluan se lentiviruset mund ta kenë origjinën para 60 milionë vjetësh.
Lentiviruset janë viruse me periudhë të gjatë inkubacioni, që shkaktojnë një sërë sëmundjesh tek kafshë të ndryshme.
Dr. Daniel Elleder, drejtuesi i studimit, tregon për MailOnline: “Ne gjetëm evidenca për herë të parë nga një shfaqje kompjuterike të gjitha gjenomeve të kafshëve. Për çudinë tonë, rezultoi që mosha (40-60 milionë vjet) ishte shumë e lartë se të tria lenitiviruset e njohura më parë”.
Lentiviruset vijnë nga rreth 9 degëzime evolutive dhe prekin disa kafshë, si lemurët, macet, kuajt etj.
Dr. Elleder shpjegon: “Llojet e viruseve tipike, përfshirë këtu lentiviruset, evoluojnë shumë shpejt, duke qenë se kanë mutacion shumë të lartë”.
Për shembull, në rastin e HIV, studiuesit mund të tregojnë kampionë të ndarë që e kanë origjinën në vitet ‘80 dhe ’50. Megjithatë, lentivirusi i gjendur tek ky studim ishte endogjen, që do të thotë se hyn vetë tek ADN-ja dhe kalon përmes gjeneratash”.
Kjo tregon se ka shumë pak ndryshime tek ai, dhe mund të lejojë hulumtuesit shkencorë të rindërtojnë formën e tij para 10 milionë vjetësh.
Rezultatet janë publikuar tek revista Molecular Biology and Evolution.
Shkencëtarët shpresojnë që gjatë studimeve të ardhshme të zgjidhin më shumë enigma në lidhje me evolucionin e lentiviruseve dhe përhapjes së HIV.
