Një 35-vjeçar është arrestuar nga policia pasi ka tentuar të vrasë tre vëllezër mëngjesin e sotëm.
Ngjarja ka ndodhur rreth orës 07:35 tek rruga “Sadik Petrela”, pranë “Venue”, ku shtetasi Leonard Kaçaniku, rreth 35 vjeç, gjatë një konflikti me 3 persona K. B., 38 vjeç, SH. B., 34 vjeç dhe E. B., 36 vjeç,(vëllezër), ka qëlluar me armë në drejtim të tyre.
Fatmirësisht nga të shtënat nuk ka persona të lënduar. Ndërhyrja e menjëherëshme e Policisë bëri që personi që qëlloi me armë në drejtim të tre vëllezërve të kapej e arrestohej në flagrancë nga shërbimet e Komisariatit të Policisë Nr.4.
Personit ju gjet një armë tip “Beretë”, me të cilën dyshohet se ka qëlluar 2 herë në drejtim të tre shtetasëve.
Grupi hetimor ndodhet në vendngjarje, ku ka gjetur një gëzhojë. Sakaq, vijojnë hetimet për të zbuluar shkaqet e ngjarjes.
