Nga kjo aktore bukuroshe ne gjithmonë presim kombinime të përsosura e cila shkëlqen, por që në ceremoninë e ndarjes së çmimeve në Teen Choice Awards”, e cila u zhvillua në Inglewood, Kaliforni, të dielën me 31 korrik, shumica kanë komentuar se “Jessica nuk ka shetitur me veshjen e saj më të mirë.
Natyrisht, kur themi se Jessica Alba ka bërë një gabim, ne i marrim nëpër mend të gjitha kombinimet fantastike të mëparshme, gjë që edhe për atë një detaj i vogël i gabuar bie mënjëherë në sy.
Por, sigurisht ky kombinim jo i duhur stilistik nuk mund të krahasohet asesi me dështimet tjera të modës nga persona të ndryshëm. Për këtë eveniment, ajo zgjodhi një kombinim nga David Koma, të përbërë nga pantallona të zeza me bel të lartë si dhe bluzë të zezë.
Për fat të keq, kjo prerje e kombinimit në fjalë, vizualisht përcakton sikur Jessica të mos ketë fare bel. Kjo përcjellëse e modës, ka një linjë të përsosur trupore si dhe stil më të mirë, kështuqë duhet falur ky detaj dështues i vogël, kur e dimë se ajo gjithmonë na ka mahnitur me stilin e saj!
