Në Lojërat Olimpike “Rio 2016” do të debutojë sot edhe sporti i golfit, që rikthehet në një aktivitet olimpik pas 100 vitesh. Një sport që ka patur jo pak polemika javët e fundit, pasi thuajse të gjithë sportistët më të mirë, kryesisht meshkujt, janë tërhequr nga Olimpiada, prej frikës nga virusi “Zika”.
Por duket se nuk është vetëm virusi ai që tremb garuesit, pasi fushat e golfit janë ndërtuar pranë një kënete, ku nuk mungojnë edhe “banorët” e zakonshëm, si krokodilë, gjarpërinj apo capybara. Nje capybara ka dale pak dite me pare ne gropen nr.5 te fushave te golfitNje krokodil ne zonen ku do te zhvillohen ndeshjet e golfit ne Rio Çfarë është një capybara? Është njësoj sikur të të dalë në mes të ditës një mi, por 20 herë më i madh, një kafshë që është parë disa herë gjatë stërvitjes së sportistëve.
Po ashtu, siç ndodh në ndonjë rast në fusat e golfit, edhe krokodilët mund të jenë të “ftuarit” e padëshiruar, që ndalin lojën. Një i tillë është parë dy ditë më parë në pellgun që ndodhet pranë gropës nr.10. Ndërkohë që ka edhe zona, ku bari është i lartë dhe ku jetojnë gjarpërinj, ndaj duhet kujdes gjatë garës së golfit.
