Inteligjenca emocionale përshkruhet si aftësia e një individi për të njohur emocionet, për të kuptuar efektet e tyre dhe për të përdorur këtë informacion si udhëzues të mendimeve dhe të sjelljes, duke ju ndihmuar kështu në marrjen e vendimeve më të mira dhe arritjen e qëllimeve më shpejt.
Më poshtë do t’iu japim një guidë se si të rrisni inteligjencën tuaj emocionale.
Reflektoni emocionet tuaja
Për shembull, mendoni se si do të përgjigjeshit në rast se do të lexonit një email që ju bën nervoz. Duke identifikuar emocionet tuaja dhe reagimet mund të mësoni të ndërtoni kontrollin.
Pyesni se si ju shikojnë të tjerët
Të tjerët na shikojnë ndryshe nga si e shikojmë ne veten. Pyesni një mik apo koleg të afërt se si silleni ju kur ata janë emocionalisht të dobët. Përgjigja do t’ju ndihmojë të ndërtoni një pamje më të qartë të vetes.
Tregohuni vëzhgues
Të “armatosur” me këtë njohuri, ju mund të jeni monitorues ndaj emocioneve aktuale. Vet-reflektimi dhe të menduarit se çfarë ndajnë të tjerët do t’ju ndihmojë të jeni më të fokusuar në atë çfarë ndjeni.
Ndaloni një moment
Përpara se të reagoni, ndaloni një moment dhe mendohuni përpara se të veproni apo flisni, një aftësi kjo që fshihet nga stresi i shtuar. Praktikojeni këtë mënyrë përpara se t’i përgjigjeni një emaili të papritur apo para se të postoni komente në mediat sociale.
Fokusohuni mbi ndjenjat dhe jo ngjarjet
Te treguarit empatik do të thotë që po përpiqeni të shikoni situatën nga këndvështrimi i personit tjetër. Ndonjëherë nuk e kuptojmë pse njerëzit që na rrethojnë ndihen të parehatshëm, të nxehur apo dhe të lënduar.
Mos u ofendoni
Kritikat nuk janë kurrë të lehta për t’u pranuar. Por, kur merrni një të tillë, keni dy zgjidhje: ose të reagoni ose të mësoni. Mos lejoni që emocionet të ndikojnë negativisht tek ju, përdorini që të përmirësoheni.
Praktikohuni, praktikohuni dhe praktikohuni…
Si çdo aftësi tjetër, praktika iu bën perfekt. Sigurisht që është e pamundur të keni kontrollin perfekt mbi emocionet, por të praktikuarit me këto hapa do t’ju veshë me mburojë e fuqisë së emocioneve, përdorini që të funksionojë pro jush dhe jo kundër.
