Drejtuesi i një furgoni ka mbetur i plagosur nga një aksident që ka ndodhur sonte rreth orës 20:30 në rrugën e Dajtit në Tiranë.
Furgoni me targa AA743CS tip Benz që po drejtonte 58-vjeçari me inicialet K.D. ka dalë nga rruga dhe është përplasur me një pemë, ndërsa në momentin e aksidentit nuk ka pasur asnjë pasagjer.
I plagosuri është dërguar në spitalin e Traumës pas aksidentit, ndërsa mësohet se ka plagë serioze.
Shkak i aksidentit nga të dhënat e para të policisë që ka mbërritur në vendin e ngjarjes mësohet se ka qenë errësira dhe shpejtësia duke bërë që furgoni të dalë nga rruga dhe të përplaset me pemën.
