Në Guizhou të Kinës, një qen i tërbuar i ka sulmuar 20 persona, derisa është qëlluar nga policët.
Për dy orë me radhë, kafsha që kishte dalë jashtë kontrollit i është vënë pas kalimtarëve, derisa ngordhi si pasojë e plumbit në kokë.
Në videon e postuar më poshtë, shihet qeni që e sulmon nga prapa një burrë, e më pas mundohet t’ia kafshojë edhe dorën.
Në të njëjtë rrugë, ai ia ngulë dhëmbët edhe një gruaje e cila përpiqet ta zmbrapsë duke e qëlluar me dorë dhe kapele, shkruan tg.
Më pas, policët janë vënë në ndjekje të kafshës dhe e kanë ndaluar duke e qëlluar më armë.
Të gjithë personat që u kafshuan nga qeni është dashur të marrin ndihmë mjekësore, ndërsa janë jashtë rrezikut për jetë.
