Mbi 100 zjarrfikës janë thirrur për të shuar një zjarr të madh në afërsi të 02 Arena në Greenwich, Londër, shkruajnë mediat ndërkombëtare.
Mendohet se zjarri ka shpërthyer në klubin e natës “Studi 338” dhe ka përfshirë një fabrikë riciklimi dhe njësi industriale.
Tymi që ka mbuluar zonën mund të jetë duke ndotur të gjithë qytetin ndërkohë shërbimet e emergjencave janë duke nxituar drejt vendit të ngjarjes në Tunnel Avenue, Greenwich.
Zjarrfikësit nga e gjithë lindja e Londrës janë angazhuar, ndërkohë që rrugët përreth janë mbyllur dhe shoferët janë duke u paralajmëruar për tymin që po mbush rrugët.
Brigada e zjarrit të Londrës njoftoi se disa bombola gazi janë përfshirë në zjarrin që ka shpërthyer në Greenwich, kështu që ngrihet një kordon sigurie.
Millenium Way dhe Brrod Street janë mbyllur nga shërbimet e emergjencës.
Dëshpërimi ka mbërthyer fansat e klubit të natës Studio 338 dhe në Twitter ata shprehin tronditjen e tyre për shpërthimin e flakëve.
#Greenwich #studio339 #upinsmoke !! #fire pic.twitter.com/vJuckZ4QAA
— Tracy Daniels (@tracydaniels82) August 8, 2016
