Polumbarët e Forcave të Armatosura kanë gjetur sot trupin e pajetë të 20-vjeçarit kuksian, Rajmond Spahiu, i cili u mbyt të premten ndërsa ishte futur për t’u larë në lumin Drin.
Trupi është gjetur gjatë ditës së sotme në ujërat e Liqenit të Kukësit rreth 1 kilometër larg vendit ku u zhduk.
Një ditë më parë kanë qenë të afërm të djalit që i kanë bërë apel shtetit të nisë kërkimet për gjetjen e trupit të djalit, pasi prej tre ditësh vajtonin pa trupin e të riut.
