Një nga “pasojat” më të këqija që sjell qëndrimi gjatë në diell është djegia e lëkurës dhe dhimbjet që vijnë pas saj.
Nëse digjeni nga dielli, së pari mundohuni të pini sa më shumë lëngje për të qëndruar të hidratuar, qëndroni në hije dhe mos u ekspozoni më gjatë në diell.
Receta natyrale që do t’ju paraqesim në këtë postim, qetëson skuqjen e lëkurës, lehtëson dhimbjet dhe e mban lëkurën më të freskët.
Përbërësit: 1 filxhan qumësht, kube akulli, napë pambuku, 1 tas.
Në tas hidhni qumështin dhe kubikët e akullit. Fusni napën dhe shtrydhni sasinë e tepërt të lëngut. Vendoseni napën në lëkurën e djegur dhe mbajeni për disa minuta. Përsëriteni këtë procedurë disa herë në ditë.
Kjo metodë natyrale është shumë efektive për shkak se proteinat në qumësht ndihmojnë në rigjenerimin e lëkurës dhe akulli ka efekt ftohës që redukton dhimbjet.
