Përveç se kishte luajtur një rol të rëndësishëm në historinë e Turqisë, intervista e gazetares së CNN Turk me presidentin turk Recep Tayip Erdogan, ka marrë edhe shumë telefonata urimi.
Dhe kjo nuk është e tëra. Përveç telefonatave falënderuese, ditë më pas, ajo ka marrë edhe një ofertë për telefonin e saj.
Siç shkruajnë mediat e huaja, bëhet fjalë për një ofertë prej 250 mijë dollarësh për të blerë telefonin e saj.
Ndërsa ushtria turke tentonte të rrëzonte pushtetin, presidenti turk Recep Tajip Erdogan vendosi të përdorte aplikacionin FaceTime për të dhënë një intervistë për gazetaren Hande Firat.
Gjatë intervistës, Erdogan i kishte bërë thirrje popullit turk të ngrihen dhe t’i bëjnë rezistencë grushtit të shtetit, shkruan tg.
Ky veprim ia kishte vlejtur pasi forcat rebele u përballën me kundërshtimin masiv që arriti të ndalonte përpjekjen shumë shpejt.
