Katër vatra infeksioni u evidentuan nga sëmundja e gjedhit dermatoza nudolare. Në qarkun e Shkodrës. Sipas kryeveterinerit të Drejtorisë së Bujqësisë deri tani janë 23 krerë të prekura dhe dy prej tyre kanë ngordhur.
Ndërsa është bërë vaksinimi i rreth 2500 krerëve në 33 ferma dhe në gjithë zonën periferike.
Fshatrat e prekura janë në zonat malore si në Levoshë, Aprip, Fierzë, Nënmavriq dhe Abat. Tregjet e shitjes së kafshëve janë të mbyllura në Shkodër, ndërsa po ashtu edhe në pikat e shitjes së mishit po ushtrohen kontrolle për të evituar shitjen e mishit të gjedhit. Sipas Ministrisë së Bujqësisë është e lejuar shitja e mishit të derrit, shpendëve dhe kafshëve të imëta.
Për të mos përhapur infeksionin e sëmundjes së gjedhit autoritetet përkatëse po mbajnë të mbyllura tregjet dhe thertoret në Gjirokastër. AKU dhe Agjencia e bujqësisë dhe veterinarisë pranë Bashkisë Gjirokastër kryejnë kontrolle cdo ditë
Edhe pse kanë qënë të hapura njësitë e shijes së mishit në qytetin e gurtë ato nuk kanë tregëtuar asnjë lloj mishi.
Në qarkun e Gjirokastrës nuk është shënuar asnjë krerë e prekur me dermatozën nodular,.Ndërkohë për Parndalimin e përhapjes së këtij infeskioni pranë Shërbimit veterinar Gjirokastër kanë mbëritur 1500 vaksina. Ato kanë nisur fillimisht të aplikohen në fermat me mbi 20 krerë gjedh.
Nga ministria e bujqësisë për qarkun e Korcës janë dhënë 1500 vaksina të cilat do tu shërbejnë 35 fermave. Vaksinimi nisi në fshatin Drithas të bashkisë Maliq. Në Qarkun e Korcës deri tani nuk ka asnjë rast të shfaqjes së kësaj semundje.
Vaksinimi do te kryhet nga mjeke veterinere dhe vaksinues të trajnuar dhe pritet që brenda një jave ai te perfundojë, në të gjithë qarkun e Korcës, dhe me pas do të behet lirimi i tregjeve të shitjes së kafsheve apo mishit si dhe levizja e kafshëve te matrikulluara dhe të shoqeruara me certifikatën e levizjes.
