Policia e Krujës ka vënë në pranga një 29-vjeçar të shpallur në kërkim rreth 5 muaj më parë pasi ka tentuar të vrasë kushëririn e tij.
Efektivët e Komisariatit të Policisë Krujë kanë bërë të mundur kapjen e shtetasit në kërkim Dolfi (Rudolf) Dobrozi, 29 vjeç, banues në Krujë, i cili ishte shpallur në kërkim më datë 28 shkurt 2016.
Sipas policisë, Dobrozi në këtë rreth orës 01:40, në fshatin Bilaj, Fushë-Krujë, në ambientet e një lokali, pasi ka konsumuar pije alkoolike është konfliktuar për motive pronësie me kushëririn e tij, shtetasin Dritan Bodrozi, 43 vjeç.
Më pas 29-vjeçari ka marrë nja armë zjarri automatik dhe ka qëlluar në drejtim të banesës së kushëririt të tij por fatmirësisht nuk ka pasur persona të dëmtuar.
Gjatë këqyrjes së vendit të ngjarjes janë sekuestruar në cilësinë e provave materiale 2 gëzhoja dhe një predhë e paplasur.
Gjykata e Rrethit Gjyqësor Krujë ka caktuar masën e sigurisë “Arrest me burg”për Veprën penale “Vrasje me dashje” e mbetur në tentativë dhe “Mbajtje pa leje te armëve luftarake”. Materialet i kaluan Prokurorisë së Rrethit Gjyqësor Krujë për veprime të mëtejshme.
