Presidenti i Republikës, Bujar Nishani ka dekretuar datën 11 shtator për mbajtjen e zgjedhjeve për kryetar të bashkisë Peshkopi në qarkun Dibër.
Dekreti i Presidentit Nishani:
Presidenti Nishani dekreton caktimin e datës së zgjedhjeve për Kryetar të Bashkisë Peshkopi, Qarku Dibër
DEKRET
PËR
CAKTIMIN E DATËS SË ZGJEDHJEVE PËR KRYETAR TË BASHKISË
PESHKOPI, QARKU DIBËR
Në mbështetje të nenit 92 gërma “gj” dhe 93 të Kushtetutës së Republikës së Shqipërisë, si dhe të nenit 10, pika 3 e ligjit nr. 10019 datë 29.12.2008 “Kodi Zgjedhor i Republikës së Shqipërisë” , i ndryshuar,
Dekretoj
Neni 1
Caktimin e datës 11 shtator 2016, për zhvillimin e zgjedhjeve për Kryetar të Bashkisë Peshkopi, Qarku Dibër.
Neni 2
Ky dekret hyn në fuqi menjëherë.
Nr. Dekretit 9716
Tiranë, më 02.08.2016
PRESIDENTI I REPUBLIKËS
BUJAR NISHANI
Dekreti i Presidentit Nishani vjen një ditë pasi Gjykata Kushtetuese, rrëzoi kërkesën ankimore të ish-kryebashakiakut Shukri Xhelili, i cili e mbajti këtë mandat vetëm rreth në vit. Ai u shkarkua nga kryeministri Edi Rama, pas një video skandali seksual të publikuar, ku ai kërkonte favore seksuale nga një vajzë e re, në këmbim të një vendi pune. Vendimin për shkarkim ai e kishte ankimuar dhe Gjykata Kushtetuese e rrëzoi dje këtë ankesë.
