Kim Ok, njerka e liderit korean është burgosur së bashku me gjithë familjen e saj, në një kamp përqendrimi në Korenë e Veriut. Siç shkruajnë mediat e huaja, ajo kishte qenë së bashku me Kim Jong-il, babain e liderit aktual, pasi gruaja e tij e mëparshme – nëna e Kim Jong-un, vdiq në gusht të vitit 2004.
Tani, në një përpjekje për të ndëshkuar atë për qëndrimin arrogant të vëllait të saj më të ri, Kim Kyun, ajo dhe familja e saj janë dënuar.
Lajmi u zbulua nga një biznesmen kinez i kthyer kohët e fundit nga Pheniani, i cili i tha Radio Azia e Lirë se ai kishte dëgjuar një gjë të tillë nga një zyrtar i lartë i Koresë së Veriut.
Njëra ndër arsyet për këtë thuhet të jetë edhe se Kim Jong-un nuk kishte asnjë arsye për të mbrojtur atë dhe mund të mos i ketë pëlqyer fakti që ajo e kishte zënë vendin e nënës së tij.
Siç shkruajnë më tej mediat e huaja, ai tashmë ka ekzekutuar xhaxhanë e tij Jang Sung-Taek, pas arrestimit të tij për tradhti ndaj shtetit.
Që nga nisja e një prove bërthamore në tetor, Koreja e Veriut ka qenë e mbyllur në një ngecje të tensionuar me Amerikën dhe fqinjin e saj jugor. Kriza ka përshkallëzuar në javët e fundit, kur SHBA-të sanksionuan Kim Jong-un për shkelje të të drejtave të njeriut.
SHBA-të pastaj vendosën mburojën e tyre bërthamore në Korenë e Jugut, nga frika se Kim do të përpiqet për një sulm apokaliptik. Dhe sipas delegatit evropian të Koresë së Veriut, Alejandro Cao de Benos, Kim është shumë serioz në luftën me Amerikën dhe mund të godasë në çdo moment.
Kim Ok kishte studiuar piano në Universitetin e Muzikës dhe Vallëzimit në Pyongyang para se të bëhej sekretare e liderit të ndjerë në vitin 1980.
