Eksperti i Partisë Demokratike për reformën në drejtësi, Gazmend Bardhi ka folur rreth qëndrimit të opozitës për ligjin e vettingun.
Bardhi gjatë një interviste për Report TV është shprehur se pritet që komisioni i posaçëm parlamentar të mblidhet nesër dhe aty do të bëhet i ditur edhe qëndrimi i Partisë Demokratike.
Partia Demokratike ka rezerva të forta përsa i përket kohëzgjatjes së hetimit të gjyqtarëve dhe prokurorëve. Në ligjin e miratuar më herët nga mazhoranca, nuk ka afat për këtë hetimin i cili mund të zgjasë me vite.
Po ashtu demokratët kundërshtojnë dhe kompetencat që i jepen Drejtorisë së Sigurisë së Informacionit të Klasifikuar në Kryeministri (DSIK) dhe Inspektoratit të Lartë të Deklarimit e Kontrollit të Pasurive (ILDKP) si dhe institucioneve të tjera pranë Kryeministrisë, të hetojnë figurën dhe pasurinë e njerëzve të drejtësisë. Sipas ekspertit të PD-së, Bardhi, DSIK dhe ILDKP duyhet të japin inforaciion për komisionet e vettingut por jo të shqyrtojnë rastet konkrete të gjyqtarëve dhe prokurorëve, pasi këtë tagër duhet ta ketë vetëm Komisioni i Kualifikimit dhe Kolegji i Apelimit.
Eksperti demokrat Gazmend Bardhi theksoi gjithashtu se ligji i ri do të shtrijë afatet e shqyrtimit të punës së gjyqtarëve nga 5 vite që ishin në 10 vite. Bardhi është shprehur se ekspertiza teknike tashmë ka përfunduar.
”Problemi më i madh i sistem gjyqësor në Shqipëri nuk është shkalla e ulët e kualifikimit, por korrupsioni. Ligji është i hartuar nga një grup pune me ekspertë vendas dhe ndërkombëtarë por ai ka nevojë për plotësime sepse është një porces delikat. Ky ligj nuk vendos afate brenda të cilave duhet të veprojnë organet kompetente”, është shprehur Bardhi.
”Ky proces parashikon kontrolle të punës së gjyqtarin nga 1 janari i 2006-ës deri më sot. Ligji i tanishëm ka një afat 5-vjeçar. Ligji parashikon transparencë, vendimmarrjet e komisionit do të jenë publike duke qartësuar arsyet e largimit nga detyra të personave të veçantë. Opinioni publik duhet të njihet me çdo largim nga detyra të gjyqtarëve dhe prokurorëve që kanë shkelur ligjit.
Në seancë plenare ligjet do të shqyrtohen kur të jenë gati nga komisioni. Vetëm për vettingun PD ka një version final, ne akoma nuk jemi njohur me versionet e fundit të 6 ligjeve të tjera. Në momentin që do kemi projektet do miratohen 7 projektligjet. Nuk ka asnjë arsye për të nxituar ndaj nuk besoj se ligjet do mund të miratohen brenda 2 javëve”, ka thënë ai.
