Kreu i Opozitës Lulzim Basha është takuar me kreun e Kuvendit Ilir Meta pasditen e sotme për të rakorduar punën për miratimin e 7 ligjeve që bëjnë funksionale reformën kushtetuese, sidomos atë të vettingut.
Në takim ndodhen gjithashtu edhe nënkryetari i komisionit të reformës, Oerd Bylykbashi, Ministrja e Integrimit Klajda Gjosha, Ministri i Drejtësisë Ylli Manjani si dhe zyrtarë të tjerë të Kuvendit.
Po sot, kryeparlamentari Meta pati një drekë pune ish-presidentin Rexhep Meidanin dhe ish-deputetin socialist, Koço Kokëdhima.
Data 25 gusht është afati i fundit kur parlamenti shqiptar ka mundësi të miratojë në mos 7 ligjet që shoqërojnë reformën në drejtësi, të paktën ligjin e ashtuquajtur për “vettingun”.
BE-ja dhe SHBA-të e kanë vënë gushtin si muajin e fundit kur parlamenti, edhe pse është me pushime, duhet të mblidhet për ta kaluar këtë projektligj.
