Mund të ndiheni të rinj dhe plot vitalitet nga brenda, por është pamja e jashtme ajo që tregon mbi moshën tuaj. Prandaj është e rëndësishme që t’i kushtohet rëndësi edhe pamjes së jashtme që të dukeni më të rinj në moshë. Që të arrini një gjë të tillë nuk është e domosdoshme që të harxhoni para duke blerë produkte kozmetike të shtrenjta apo të bëni ndërhyrje kirurgjikale. Mjafton vetëm të kujdeseni për veten, të ushqeheni shëndetshëm dhe të bëni sa më shumë aktivitet fizik.
Më poshtë do të gjeni disa mënyra të thjeshta që mund t’ju ndihmojnë të dukeni më të rinj.
Qëndroni drejt – Njerëzit që e mbajnë trupin drejt duken gjithmonë më të rinj, më të sigurt në vetvete dhe më të lumtur se ata që i mbajnë shpatullat të kërrusur. Qëndrimi drejt parandalon dhimbjet e muskujve dhe kyçeve. Nëse qëndroni ulur për një kohë të gjatë, është mirë që ta kalitni trupin çdo një orë.
Kryeni më shumë marrëdhënie seksuale – Një studim skocez ka treguar se çiftet që janë rreth 40 vjeç dhe kryejnë marrëdhënie seksuale tre herë në javë, duken 12 vite më të rinj se ata që kryejnë jo shpesh marrëdhënie. Gjatë studimit të kryer për një periudhë 10-vjeçare, hulumtuesit zbuluan se çiftet me jetë seksuale aktive kishin më pak rrudha në fytyrë, ndërsa lëkura ishte më butë. Sipas hulumtuesve skocez, kjo ndodh për shkak të substancës oksitocinë që lëshohet gjatë seksit dhe ul nivelin e stresit. Seksi gjatë natës ju ndihmon gjithashtu të flini më mirë, kështu do të dukeni dhe ndiheni më të çlodhur.
Shndritni buzëqeshjen – Një buzëqeshje rrëzëllitëse ju bën të dukeni më të shëndetshëm dhe më të rinj. Edhe pse trajtimet profesionale për zbardhjen e dhëmbëve nga dentisti janë më të mira, mund t’i zbardhni ata edhe me mënyra natyrale
Kujdesuni për gishtat dhe thonjtë – Sipas një studimi të kryer në Angli, lyerja e thonjve dhe vendosja e bizhuterive në gishta mund të tërheqin vëmendjen e të tjerëve, dhe kështu nuk do të vërejnë shenjat e maturisë. Hulumtuesit pyetën disa vullnetarë mbi moshën e disa femrave vetëm duke u bazuar nga fotografitë e duarve të tyre. Rezultati: 49% e tyre mendonin se duart e femrave duken më të reja kur i kanë thonjtë të lyera me manikyr, ndërsa 52% patën të njëjtin mendim rreth bizhuterive.
Blini një palë reçipeta të reja – Gjoksi fillon të bie me kalimin e moshës. Të gjithë e dimë këtë, megjithatë ne duhet ta tregojmë. Prandaj duhet të blini reçipeta që jua tregojnë gjoksin më mirë.
Mbani flokët e gjata – Flokët e gjata gjithmonë ju shfaqin më të reja në moshë dhe më të bukura.
