Një atentat me armë i është bërë një të burgosuri në burgun e Vaqarrit në Tiranë. Ngjarja ka ndodhur ditën e sotme në momentin që i dënuari Lili Dulaj, 40 vjec kishte dalë në ambientet e ajrimit.
Ai është qëlluar nga jashtë ambienteve të burgut. Menjëherë Dulaj është dërguar në spitalin e burgut, ku ka marrë mjekimin e parë, e më pas është transportuar në Qendrën Spitalore të Traumës dhe sipas mjekëve gjendja e tij paraqitet jashtë rrezikut për jetën.
“Njoftohemi nga Burgu i Vaqarrit se në ambjetet e ajrimit shtetasi Lili Dulaj, 40 vjeç, i cili është i paraburgosur në I.E.V.P. Vaqarr, dyshohet të jetë i plagosur me armë zjarri në këmbë nga një person i paidentifikuar në kohën kur ka qënë në ambjentet e ajrimit. Forca të shumta policise kanë mbërritur në institucionin e vuajtjes së dënimit, ndërkohë që po krehin zonën nga ku dyshohet të jetë qëlluar i paraburgosuri. Shtetasi Lili Dulaj është transportuar në Spitalin Ushtarak ku ndodhet jashtë rrezikut për jetën. Vijojnë hetimet për zbardhjen e plotë të rrethanave të ngjarjes dhe kapjen e autorit”, deklaron policia
