Piloti i avionit sportiv me drogë që u rrëzua në plazhin e Divjakës dy vite më parë, Giorgio Riformato ka dhënë pëlqimin për të kryer dënimin në Itali.
Gjykata e Krimeve të Rënda ka pranuar kërkesën e pilotit italian për të vazhduar pjesën e mbetur të dënimit në vendin e tij, Itali.
Vetë i pandehuri, cili ishte piloti i avionit me drogë, ka bërë kërkesën në gjykatë për të kryer dënimin në një qendër të kryerjes së dënimit pranë familjes së tij për shkak të gjendjes së tij shëndetësore dhe moshës.
Riformato akuzohet për trafik të lëndëve narkotike dhe ai është dënuar me 15 vjet burg, por italiani do të kryejë më pak, pasi ka pranuar gjykim të shkurtuar.
Piloti italian drejtonte avionin me 300 kg kanabis, i cili u rrëzua në plazhin e Divjakës më 10 maj të vitit 2014. Procesi ndaj tij zhvillohet i ndarë nga të pandehurit e tjerë të kësaj çështjeje.
