Një kothere më shumë për pensionistët. Qeveria iu jep lëmoshë edhe 100 lekë të reja.
Ministri i Mirëqenies Sociale Blendi Klosi ka deklaruar sot se këshilli i Ministrave ka miratuar mesditën e së mërkurës rritjen e pensioneve për të gjitha kategoritë në vlerën e 1.6% pra rreth 1000 lekë të vjetra.
Në një dalje përpara medieve ka bërë të ditur se, kjo rritje është më e lartë se një vit më parë dhe po ashtu më e lartë se indeksimi i çmimeve, që ishte 1.2%.
Sipas ministrit Klosi, përfitues nga kjo rritje janë 635 mijë pensionistë në qytet dhe në fshat.
Gjithashtu, Këshilli i Ministrave ka miratuar gjatë kësaj mbledhjeje edhe vendimin për barazimin e masës së shtesës së pensioneve të posaçme shtetërore.
