Kreu i Komisionit të Reformës në Kuvendin e Shqipërisë, Fatmir Xhafa mësohet se u ka shpërndarë ftesë të gjithë anëtarëve të komisionit dhe për deputetët, për një koktej në Pallatin e Brigadave me qëllim festimin e arritjes së Reformës në Drejtësi.
Kjo ftesë i ka ardhur dhe nënkryetarit të këtij komisioni, deputetit të PD-së, Oerd Bylykbashi i cili i është kundërpërgjigjur ftesës së Xhafajt. Ai i shkruan se “është koha për angazhime e jo për vetëkënaqësi, shfaqje apo ceremoni pompoze për një proces që deri më sot nuk e nderon forcën që përfaqësoni dhe Kuvendin e Shqipërisë”.
Kjo festë e Xhafës vjen pasi kryeministri Edi Rama vendosi që të japë ditë pushimi për gjithë administratën.
