Kryetari i PD -së, Lulzim Basha dhe kreu i LSI -së, njëherësh kryeparlamentari Ilir Meta kanë qenë bashkë në ceremoninë e hapjes së Konventës së Demokratëve në Filadelfia, ku Hillary Clinton pritet të marrë emërimin si kandidatja demokrate për Presidente e SHBA –ve.
Gjatë gjithë kohës ata kanë qenë pranë njëri -tjetrit gjatë takimeve me personalitete të lartë të demokratëve në SHBA.
Videoja u publikua nga PD¬ja, në një njoftim lidhur me axhendën e takimeve të kryedemokratit Basha në SHBA.
Takimet pasojnë një situatë jo pak të tensionuar që shoqëroi negociatat për miratimin e Reformës në Drejtësi, zërat për çarje të koalicionit dhe një afrim të mundshëm me PD¬në. I pranishëm ne konventë ka qenë edhe deputeti i PS¬së, Pandeli Majko, shoqëruar nga deputetja socialiste, Olta Xhacka. Të tre bashkë kanë pozuar para kamerave shumë të qeshur.
Zyra për shtyp e PD, njofton se lideri i opozitës Basha u takua me drejtues të lartë të Partisë Demokratike amerikane, senatorë dhe kongresmenë të pranishëm në Konventë dhe ne forumet e shumta ku ai është ftuar si mik nderi. Me herët Basha ishte i pranishëm në Forumin e Liderëve Botërorë me ftesë të Institutit Kombëtar Amerikan NDI.
“Basha u takua me liderë nga vende të ndryshme të Europës, pjesëmarrës në këtë forum. Kreu i demokrateve u takua me Sekretarin e Përgjithshëm të Partisë Popullore Europiane, Antonio López¬Istúriz. Sekretari i Përgjithshëm i PPE¬së vlerësoi rolin dhe kontributin e zotit Basha dhe Partisë Demokratike në realizimin e amendamenteve kushtetuese bazuar në standardet më të mira europiane” -njofton PD.
Sipas njoftimit, Lopez vlerësoi lidershipin e Bashes në procesin e hartimit dhe miratimit me konsensus të Reformës në Drejtësi si dhe ligjin e dekriminalizimit dhe rikonfirmoi gjithë mbështetjen e PPE¬së për Partinë Demokratike në rrugën e saj të rikthimit në pushtet dhe krijimit të alternativës që do tu japë shpresë dhe zhvillim shqiptarëve dhe garantojë ecjen e sigurt drejt integrimit europian.
Ndërsa në takimin me eurodeputetin Knut Fleckenstein, Basha i shprehu mirënjohjen për kontributin e tij të vyer për Reformën në Drejtësi. Duke vleresuar lart rolin e tij dhe të Eurodeputetit Eduard Kukan në mbështetje të konsensusit Basha u shpreh se ndihma e tyre ishte e një rëndësie të jashtëzakonshme në kushtet kur ndonëse Reforma në Drejtesi nuk kishte prej fillimit asnjë kundërshti, konsensusi politik kishte armiq të egër të cilët bënë gjithçka për të përjashtuar opozitën. Basha u takua edhe me ish¬sekretaren amerikane të Shtetit, znj. Madeleine Albright, kontributi i së cilës është i pazëvendësueshëm për çlirimin e Kosovës si dhe me kryeministrin e Kosovës Isa Mustafa, kryetarin e Kuvendit të Kosovës Kadri Veseli, me ish –presidenten Atifete Jahjaga me eurodeputeten Tanja Fajon si dhe me ministra të jashtëm të vendeve anëtare të Bashkimit Europian etj.
