Ndeshjen e parë mes Partizanit dhe ekipit të Salsburgut të martën në mbrëmje në “Elbasan Arena” në Champions League do ta drejtojë një anglez, Michael Oliver.
Ndihmës të tij do të jenë anglezët Stuart Burt e Adam Nunn. Oliver drejton ndeshje në Premier League që prej vitit 2010, ndërsa në FIFA është regjistruar gjatë vitit 2012. Oliver ishte gjyqtari i katërt në sfidën e Euro 2016 mes Francës dhe Shqipërisë pak javë më parë.
Partizani pas kualifikimit historik në Hungari do të tentojë një tjetër mrekulli përballë austriakëve, edhe pse gjithçka duket shumë e vështirë në plan të parë, por jo e pamundur për të kuqtë.
