Një apartament është përfshirë nga flakët para 1 ore në rrugën “Kongresi i Manastirit” në Tiranë. Banesa ndodhej në katin e dytë të një pallati.
Mësohet se forcat e policisë dhe ato zjarrfikëse ndodhen në vendin e ngjarjes e sipas raportimeve nga terreni, si pasojë e zjarrit ka vetëm dëme materiale.
Nga hetimet paraprake dyshohet se shkak i zjarrit ka qenë një hekur për hekurosje, i cili dyshohet të jetë harruar në prizë nga familjarët.
