“Tani është momenti të fillojmë diskutimin për miratimin e ligjeve, në zbatim të këtyre ndryshimeve. Paralelisht duhet edhe të ndërtojmë një kalendar veprimesh ekzekutive për zhvillimin e sistemit të ri të projektuar në Kushtetutë”, kështu ka deklaruar Ministri i Drejtësisë, Ylli Manjani.
Duke përshëndetur miratimin me konsensus të ndryshimeve kushtetuese, Ministri i Drejtësisë Ylli u ka bërë thirrje gjyqatarëve e prokurorëve që të ushtrojnë me përgjegjësi detyrën edhe gjatë kësaj periudhe tranzitire.
“Në këtë periudhë tranzicioni i kërkoj trupës gjyqësore dhe prokurorisë të jenë të fokusuar në ushtrimin me korrektësi të përgjegjësisë së tyre publike. Deri në transferimin e përgjegjësisë tek institucionet e reja që parashikohen në ndryshimet kushtetuese, puna vazhdon normalisht dhe me përgjegjësi ligjore”, tha ai.
