Ende asnjë konfirmim apo deklaratë nga ana e Partisë Demokratike për draftin e ri. Ndërkaq kryeministri Rama ka mbërritur në Parlament ku në orën 18:00 pritet të rinisë seanca plenare.
Sërish Rama nuk i është përgjigjur gazetarëve për të shpjeguar se çfarë po ndodh me negociatat për reformën në drejtësi.
Nga ana tjetër burime nga PD pohojnë se vijojnë negociatat mes Bashës dhe ambasadorëve në Kuvend.
Me sa është bërë e ditur, PD ka kërkuar kohë të vendosë për propozimin e ri, të sjellë sot si alternativë nga ambasadori Donald Lu dhe ambasadorja Romana Vlahutin, pasi palët nuk arritën dot në një konsensus.