Deputeti socialist Ben Blushi shprehet i zhgënjyer nga kjo klasë politike që ka bllokuar reformën në drejtësi. Megjithatë, duke dalë nga dyert e parlamentit, Blushi shprehet i bindur se reforma në drejtësi do të votohet, pavarëisht
“Kjo që ndodhi dy ditët e fundit është e papranueshme dhe turpshme. Rëndësi ka që të kalojë, kam 6 muaj që pres. Kam ardhur për të votuar, do të votoj reformën në drejtësi pa kushte” tha ai i pyetur nga gazetarët nëse do të votohet reforma me 94 vota apo me konsensus nga të gjithë deputetët.
“Gjithë Shqipëria po pret që reforma të votohet kjo ka krijuar përçmim e neveri tek ndërkombëtarët. Ky parlament i ka të numëruara orët për fat të keq. Mirë do ishte që reforma në drejtësi të votohet me 140 vota, nuk e di do ndodhi apo jo””– shtoi më tej Blushi në një prononcim për median jashtë Kuvendit.
Ndërkohë në përfundim të fjalës së tij, gazetarët u shkëputën nga Blushi dhe u turrën për të ndjekur nga pas ish kryeministrin Sali Berisha.
“Shikoni se ju iku Saliu”– tha me batutë Blushi.
